你地有無同過同年齡既人拍拖？

Stellak

通常食野同睇戲都由男方俾的嗎？
我覺得我男朋友好計住計住，唔肯洗錢係我身上，同佢一齊左3個幾月，真心完全無送過份禮物或者買野俾我，好似生日咁，大家同月生日，但生日禮物就係互送俾大家既情侶鞋，名義上係送左，但實際上等於自己買俾自己咁，都幾灰暗架，唔好話我貪心，要求男仔送野俾我，我從來都唔會主動叫佢買野俾我，同食野都會帶我食d平平地既野，不過佢會俾錢，但當我想買自己想食既野時，佢亦唔會主動幫你俾錢，只係同你講佢唔食了，但買完佢又會食，仲有有時食親野佢都會話唔記得禁錢，但又唔會去禁左錢先食野，等我埋單，咁你地點睇呀？我同佢係上網識的，所以想問下你地男朋友會咁樣的嗎？

flymetothemoon

用唔記得㩒錢呢招就核突左啲，如果係一次半次都無ok既。始終如果相愛，想有將來係唔應該計算太多，你男朋友性格好明顯唔係豪爽個種，人夾人啦。

Stellak

flymetothemoon 發表於 2016-8-13 04:30
用唔記得㩒錢呢招就核突左啲，如果係一次半次都無ok既。始終如果相愛，想有將來係唔應該計算太多，你男朋友性格好明顯唔係豪爽個種，人夾人啦。

仲有，有時話無禁錢，就照入去食野，我覺得點解唔即刻去禁錢先既，我咪話咁我俾住先，之後佢就成日話唔記得禁錢乘機叫我俾住先，因為我有信用卡係身，但到左幾日都無俾返錢我，唔明佢點解咁

蛋黃哥

下次同佢出去食飯，你咪用番佢嗰招嚟招呼佢囉，睇吓佢會點

木野真琴

有，我就來比佢激到爆血管

SweetPiePie

我男朋友都唔會買禮物俾我，但出街所有駛費都係佢俾，連去7-11買支水/搭小巴佢都會好主動拎錢出黎，間唔時無散銀先會問我有無。當然佢對我好我心知，所以亦都會喺其他方面對佢好，例如煮野俾佢食，行街見倒岩佢嘅野買俾佢。
想講嘅係，每人對金錢都有唔同概念，如果自己係afford倒，又唔介意出返份嘅，可以繼續咁落去。但如果真係介意嘅，就真係要拎出黎大家講下，始終心入面好似有條刺咁大家相處唔會開心。
另外你男友話無襟錢嗰招，我覺得係間接叫你俾錢咁......

iluvceci

咁鬼姑寒，好肉酸呀.
你頂到佢3個月 但唔會頂到3年囉

Dryice0623

三個月其實好短時間~同埋我覺得係你太斤斤計較~
無人可以阻止到你點諗野~
不過你成日都無計黎計去~唔開心既只有你自己~

冰糖﹏°

你地幾大啊…
我不嬲AA開，冇話要男方比晒
男朋友有時會冇㩒錢，我都主動話我比，下一餐佢會比返/佢㩒完比返我
你覺得佢想貪你小便宜？既然係咁，我諗你都係唔好同佢行落去，3個月就有咁既心情你之後都唔會開心

Marilyna

唉, 同我ex一樣, 度縮到pk. 有次我生日咁出街慶祝la, 佢見我去禁錢, 自己明知帶唔夠錢都唔去禁, 食完野大安旨意咁等我埋單, 我嬲到喊. 之後有一次, 佢買野但銀包又唔夠cash, 問我借住先, 之後比返. 點知一直都冇還返比我, 咁我出聲問佢la, 佢竟然話係我第二度既開支抵銷左. 洗錢佢永遠都只會洗佢自己身上, 就算出街買小食咁, 都只會買佢自己個份, 最多比一兩啖我食. 個次因為初戀, 以為拍拖咁樣係正常, 同li條廢柴都糾纏左成年, 諗起都仲好嬲! 做朋友都唔會計到咁盡la, 何況男朋友? d cheap到咁既男人你唔係仲會想同佢呀?

PPちゃん ❤️

我同男友大部分都係AA，都一齊好多年。
可能我無計住佢出幾多我出幾多掛。
你地先一齊3個月，點解要覺得人地又要送禮物、又要俾錢出埋你份先? 唔通只係因為佢係男人?
先啱啱開始一齊，我覺得你可以同佢傾下。
如果佢一副死都唔俾明屈你嘅態度，咁你可以直接唔同佢一齊啦。

久美小姐Ms.Jovi

你地係唔係好細個咖?
如果呢家3個月都唔開心,好難行落去啊...
有D男仔係比較度縮,我都試過...
不過真係人夾人啦!

Stellak

Marilyna 發表於 2016-8-15 10:31
你地幾大啊…
我不嬲AA開，冇話要男方比晒
男朋友有時會冇㩒錢，我都主動話我比，下一餐佢會比返/佢㩒完比返我
你覺得佢想貪你小便宜？既然係咁，我諗你都係唔好同佢行落去，3個月就有咁既心情你之後都唔會開心

你講既情況真係十足十我個個一樣

Warwick999

好簡單，搵你笨

YoyoLALA

拍耐左我就唔太注重(佢亦無乜)送禮物嘅，不過我男友都係買支水都會主動比錢, 係唔夠散紙先問我有無。或者間中好細數嘅野先會話不如你請返我叫我比 (比拍拖初期我係少左主動比錢)

你男友又真係度縮左D, 如果大方AA仲好少少, 成日話無cash 似搵笨。

上網識呢個就好難介定係咪就唔好, 宜家呢個年代個個都上網, 最主要真係觀察佢本身有無問題。

kitty123

同我一樣,男朋友仲細過我一年,一齊左3年,都係同一個月份生日,大家都唔係好有錢,自己想食既野出下錢有咩所謂?又未結婚,有咩必要人地咩都幫你出錢,其實一齊大家開心咪得囉,你男朋友同你斤斤計較,你都要體諒下佢點解會咁度縮.
反而我唔明點解咁多女仔出街咩費用都要男仔出錢....

graceman

我老公都係網上識,不過係某地方預見對方,當時大家冇講大家係網上朋友,最後我地結埋婚,我拍拖時我以經知我老公冇錢好窮唔介意,佢住左我屋企3個月,3個月冇返工,我出錢養佢,當佢搵到一份人工3萬至4萬人工日日請我食大餐~~雖然佢會跟跟計較,呻完就冇野唔會問我拎番

ABX...

只可以講你想要既男朋友係包埋你洗費, 而你依加果個唔係, 咁你搵過個啦

righteous

我同我老公都同年同月，以前拍拖都係互送禮物，但出街食野有時佢俾有時我俾咁，唔會話次次都係佢或我俾

bobo 波波

你搵過個算啦，你想要嘅唔係佢呢d